Psalms 60
PESALEM 60
Mec Anôtô ênam aêac sa êndêŋ nêŋ soŋo-soŋoŋa
(Pes 108:6-13)
1O Anôtô, aôm kôtiŋ aêac su ma goseŋ aêac êliŋ- êliŋ.Aôm têmtac ŋandaŋ su ma galoc ônam aêac sa êtiam.
2Aôm kôwiwic gamêŋ e kôkac nom kêkôc.
Ômakop ŋasêawa auc êtiam gebe gamêŋ ŋakôjô-kôjô.
3Aôm kôkêŋ nêm lau sêôc gêŋwapac ŋasec.
Aôm kôkêŋ gêŋ aêac anôm e kêjaŋiŋ aêac.
4Aôm gôjac lau, taŋ têtêc aôm naŋ, nêŋ gêbôm su
gebe sêkac tauŋ sa ma sêc nêŋ ŋacjo nêŋ talam su.
5Ônam nêm lau, taŋ têmtac gêwiŋ êsêac naŋ sa.
Nêm anôŋa ênam aêac sa ma ôkêŋ taŋam aêacmêŋmaŋ.
6Ŋac dabuŋ Anôtô kêsôm nê biŋ lasêgac gebe
“Kaku ŋacjo tulu, tec ôlic kêpigeŋ. Aê gabe janac sam Sikem, gabe janam dôŋ bumaŋ Sukot.
7Aê katu Gilead to Manase ŋatau ma Epraim kêtu môkêcapac ŋakululuŋ.
Juda kêtu ŋoc gôliŋ.
8Moab kêtu laclu jakwasiŋ taucŋa. Aê janu ŋoc atapa su ma jambaliŋ naênsac Edom.
Aê oc janam lasê êtu Pilistiaŋa.”
9Asa oc êwê aê jasa malac ŋajaŋa jana.
Asa oc êwê aê jasa Edom jana.
10O Anôtô, aôm oc kôtiŋ aêac su me.
O Anôtô, aôm oc ôwê aêacma lau siŋŋa atom me.
11Ônam aêac sa êndêŋ ŋacjomaŋ
gebe ŋamalac oc sênam aêac sa êtôm atom.
Anôtô êwiŋ aêac, go taku nêŋ ŋacjo tulu
gebe eŋ oc êka aêacnêŋ ŋacjo popoc samob.
12
Dawidnê teŋ gêdêŋ taŋ gêjac siŋ gêdêŋ lau Aramea aŋga Naharalm to Soba ma Joab kêkac tau ôkwi ma gêjac lau Edom 12,000 aŋga Gaboaŋ Gwêcŋa.
Copyright information for
JAE